Türkmenistanyň Belgiýa Patyşalygyndaky ilçihanasynda 13-nji noýabrda Türkiýeden gelen wekiliýet – Brýusselde bolan parlamentariler, şäher häkimleri we jemgyýetçilik işgärleri bilen duşuşyk geçirildi.

Duşuşyga Türkiýäniň Belgiýadaky ilçisi Bariş Tantezin hem gatnaşdy. Çäre Türkmenistanyň ilçihanasynyň «Eurovia VZW» guramasy bilen hyzmatdaşlygy esasynda guraldy. Bu gurama bilen öň hem «KU Leuven» leksiýalar, türkmen medeniýeti we ýurduň daşary syýasaty bilen tanyşýan talyplar üçin mowzuklaýyn duşuşyklar hem-de kabul edişlikler geçirilipdi.

Brýusselde Türkiýäniň wekiliýeti bilen duşuşyk geçirildi Myhmanlar üçin milli aşhananyň giňden tanalýan naharlaryndan ybarat milli türkmen saçagy guraldy. Türkmen amaly-haşam sungatynyň sergisi aýratyn gyzyklanma döretdi. Wideo materiallaryň kömegi bilen myhmanlara Türkmenistanyň onuň ýokary depgindäki ösüşi, iri infrastruktura we medeni taslamalary, şeýle hem ýurduň baý syýahatçylyk mümkinçilikleri görkezildi.

Saparyň esasy bölegi Türkmenistanyň ilçisiniň hemişelik Bitaraplygyň özboluşly halkara-hukuk ýagdaýyna, şeýle hem bu ugryň üýtgewsizligini tassyklaýan yzygiderli kararlara bagyşlanan brifingi boldy.

Brýusselde Türkiýäniň wekiliýeti bilen duşuşyk geçirildi Ilçi Türkmenistanyň hemişelik Bitaraplygynyň döwletiň diňe bir daşary syýasatynyň esasy bolman, eýsem, sebit hem-de ählumumy derejede parahatçylyga we howpsuzlyga ýardam berýän öňüni alyjy diplomatiýanyň, dialogyň möhüm guralydygyny belledi. Birleşen Milletler Guramasyndaky, şol sanda Halkara parahatçylyk we ynanyşmak ýyly bilen baglanyşykly Türkmenistanyň başlangyçlaryna aýratyn üns berildi.

Söhbetdeşlikde ýaşlar diplomatiýasy, integrasiýa we ýaş nesliň halkara işlere gatnaşmagy bilen bagly meseleler esasy orun tutdy.

Brýusselde Türkiýäniň wekiliýeti bilen duşuşyk geçirildi Türkmenistanyň Belgiýadaky ilçihanasynyň öňdebaryjy uniwersitetlerde geçirilýän leksiýalardan başlap, Türkmenistanyň baý mirasy bilen tanyşýan Ýewropa ýurtlaryndan gelen talyplar üçin kabul edişliklere çenli, ýaşlar bilen gatnaşyklary giňeltmäge gönükdirilen taslamalara yzygiderli goldaw berýändigi bellenildi.