ABŞ-nyň Günorta we Merkezi Aziýa boýunça ýörite wekili, ilçi Serjio Gor 2026-njy ýylyň 22–23-nji ýanwarynda Türkmenistana iş saparyny amala aşyrýar.

ABŞ-nyň Türkmenistandaky ilçihanasynyň resmi habaryna görä, saparyň dowamynda ýörite wekil Gor türkmen hökümetiniň ýokary derejeli wekil­leri hem-de işewür toparlaryň wekilleri bilen ýokary derejedäki duşuşyklaryň tapgyryny geçirer.

Gepleşikleriň barşynda ikitaraplaýyn hyzmatdaşlygy giňeltmek, sebit durnuklylygyny goldamak we iki ýurduň arasyndaky ykdysady hyzmatdaşlygy pugtalandyrmak meselelerine aýratyn üns berler.

Amerikan tarapynyň beýanatynda bellenilişi ýaly, Amerikanyň Birleşen Ştatlary iki ýurt üçin hem peýdaly bolup biljek, sebitde abadançylygy we howpsuzlygy üpjün etmäge ýardam edýän hyzmatdaşlygyň täze mümkinçilikleri boýunça Türkmenistan bilen gepleşikleri ösdürmäge gyzyklanma bildirýär.

ABŞ-nyň ýörite wekiliniň bu sapary türkmen-amerikan gatnaşyklarynyň yzygiderli ösýändigini, şeýle hem söwda-ykdysady we syýasy gatnaşyklary has-da çuňlaşdyrmaga bolan özara gyzyklanmany bütin aýdyňlygy bilen görkezýär.