Domen ady ýa-da domen – Internetda ýerleşýän web-sahypanyň ýa-da elektron bukjasynyň ady. Ol adatça latin harplary, şeýle hem sanlary we kese çyzygy öz içine alýar. Mysal üçin: turkmendomain.com.tm; www.telecom.tm

Türkmenistanyň çäklerinde domen ady bellige almak üçin resmi hat-arza ýazyp, goşundy hökmünde talap edilýän resminalary toplap, belli bir şekildäki şertnamany 2 asyl nusgada dolduryp “Türkmendomen” HJ-ne ibermeli.

Türkmenistanyň çäklerinde ýuridiki we fiziki şahslary domen adyny bellige alyp biler.

“Türkmenistanda Internet torunyň ösüşini we internet-hyzmatlaryny etmegi hukuk taýdan düzgnleşdirmek hakynda” Türkmenistanyň Kanunyna laýyklykda domen atlary bellige almak milli bellige alyjy – häzirki wagtda “Türkmendomen” HJ-ti tarapyndan amala aşyrylýar.

Domen ady bellige alynmagyň we gaýtadan bellige alynmagyň möhleti bir ýa-da iki ýyl.

Web-sahypany işlemek üçin ilki bilen “Türkmentelekom” elektrik aragatnaşyk kompaniýasynyň müşderler bilen işleşýän bölüme ýüz tutup VPS-serwer almaly.

Eger-de siz ýuridik şahs hökmünde öz işiňizi Türkmenistanda amala aşyrýan bolsaňyz, onda siziň web-sahypaňyz we elektron bukjaňyz Türkmenistanyň ýokarky derejeli milli domeninde pudaklaýyn domen atlary bellige almagyň tertibiniň içine girýär.

Ýok. “Türkmendomen” hojalyk jemgyýeti web-sahypanyň howpsuzlygyna jogapkärçilik çekenok. Web-sahypanyň goragyny üpjün etmek maksady bilen Türkmenistanyň Kiberhowpsuzluk gullugyna ýüz tutup bilersiňiz.

SSL şahadatnamalaryny almak üçin, onuň Size gerekli bolan görnüşini saýlap, “Türkmendomen” HJ-niň web sahypasynda onlaýn ýüz tutmasyny dolduryp ugratmaly we degişli şertnamany 2 asyl nusgada dolduryp taýynlamaly.

SSL şahadatnamalaryny almak üçin Türkmenistanyň Milli utgaşdyryjy Domen Merkezine ýüz tutmaly. 1 ýyllyk SSL şahadatnamasynyň bahasy 1000.08 manat.

Her bir ulanyjy, islendik sahypa girip, özi hakda köp maglumatlary galdyrýar. Şeýle sahypada SSL şahadatnamasy ýok bolsa, ulanyjy tarapyndan girizilen maglumatlar ogurlanyp bilner. Şonuň üçin ilki bilen onlaýn dükanlar, banklar, töleg ulgamlary, sosial ulgamlar, forumlar goralmalydyr - şahsy maglumatlary işleýän we maliýe amallaryny amala aşyrýan her bir adam.

Örän ýönekeý. Bu sahypanyň salgy setirine (URL) göz aýlaň. Onuň çep tarapynda (ýa-da üstünde - bu brauzeriňize bagly) ýaşyl ýazgyny görüp bilersiňiz, bu Türkmen domen taslamasynyň sahypasydygyny aňladýar. Şeýle hem kiçi gulp nyşany bar - ähli goralýan saýtlar munuň bilen bellik edilýär. Şeýle hem, salgynyň başyndaky http protokoly https-e üýtgedilýär (goşmaça "s" ygtybarly, "goralýan" diýmekdir).