Türkmenistanyň «Daýhanbank» döwlet täjirçilik banky talyplar üçin ýeňillikli karzlary hödürleýär. Bu karzlaryň ýyllyk göterim derejesi 5% bolup, ýokary we orta hünär okuw mekdeplerinde okamak üçin niýetlenendir.

«Talyp karzyň» iň ýokary mukdary 42 müň manat, töleg möhleti bolsa üç ýyla çenlidir.

Bankda belleýişlerine görä, bu maksatnama ýaşlary goldamaga, döredijilik başlangyçlaryny höweslendirmäge we başarnyklary ösdürmek üçin amatly mümkinçilikleri döretmäge gönükdirilendir.

Karz diňe nagt däl görnüşde berilýär. 10–15 müň manada çenli bolan mukdarlar üçin kepillik hökmünde raýatlaryň kepil geçmegi kabul edilýär. Eger karzyň mukdary ondan ýokary bolsa, goýumly kepillik talap edilýär.

Karz almak üçin arza bankyň www.dayhanbank.gov.tmresmi saýty arkaly onlaýn görnüşde kabul edilýär. Bankyň şahamçalary ýurduň ähli welaýatlarynda hereket edýär.

Maglumat almak üçin telefon berlgileri:

Aşgabat: 38-03-79, 38-02-86, 24-44-55, 24-52-85;

Ahal welaýaty: (8-00-137) 3-34-39;

Balkan welaýaty: (8-00-246) 5-21-51;

Daşoguz welaýaty: (8-00-322) 9-35-07;

Lebap welaýaty: (8-00-422) 9-13-48;

Mary welaýaty: (8-00-522) 6-76-40.