Türkmen-eýran döwlet serhedinde ýerleşýän «Sarahs awtoýollary» gümrük nokadyny döwrebaplaşdyrma işleri üstünlikli tamamlandy. Bu barada Türkmenistanyň Döwlet gümrük gullugy habar berýär.

Türkmen-eýran serhedindäki «Sarahs awtoýollary» gümrük nokadynyň döwrebaplaşdyrma işleri tamamlandy Taslamanyň çäklerinde gümrük nokadynyň binalary we desgalary düýpli abatlandy, şeýle hem geçiriş ukybyny ýokarlandyrmaga gönükdirilen amatly şertler döredildi. Mundan başga-da, ulag serişdeleriniň we harytlaryň hereketine gözegçilik etmek hem-de olary hasaba almak üçin sanly dolandyryş ulgamy ornaşdyryldy.

Türkmen-eýran serhedindäki «Sarahs awtoýollary» gümrük nokadynyň döwrebaplaşdyrma işleri tamamlandy Bu taslama Türkmenistanyň serhet geçelgelerini tapgyrlaýyn döwrebaplaşdyrmak boýunça alnyp barylýan işleriň çäklerinde amala aşyryldy. Onuň esasy maksady ýurduň üstaşyr ulag mümkinçiliklerini has-da giňeltmekden ybaratdyr. Ýatladyp geçsek, şu ýylyň başyndan bäri toplumlaýyn döwrebaplaşdyrylandan soň «Garabogaz» we «Artyk» gümrük nokatlary hem üstünlikli ulanmaga berildi.