Türkmenistanyň Russiýa Federasiýasyndaky ilçisi E. Aýdogdyýew Moskwada ýerleşýän Ispaniýa Patyşalygynyň Türkmenistandaky täze bellenen ilçisi Rikardo Martinez Vaskez bilen duşuşdy. Bu barada Türkmenistanyň Russiýa Federasiýasyndaky ilçihanasynyň web sahypasynda habar berilýär.

Ispaniýanyň ilçisi Türkmenistanynyň içerki we daşarky syýasatynyň esasy ugurlary bilen tanyşdyryldy, onuň üýtgewsiz ileri tutulýan ugry parahatçylygyň bähbidine giň halkara hyzmatdaşlyk bolupdy we şeýle bolmagynda galýar.

Diplomatlar syýasy-diplomatik dialogy ösdürmegiň mümkinçiliklerini ara alyp maslahatlaşdylar, ilkinji nobatda BMG-niň çäklerinde halkara we sebit formatlarynda hyzmatdaşlygyň oňyn tejribesini bellediler.

Şeýle hem iki ýurduň DIM ýolbaşçylary derejesinde syýasy geňeşmeleriň geçirilmeginiň ähmiýeti nygtaldy.

Duşuşygyň ahyrynda taraplar işjeň aragatnaşyklary dowam etdirmek barada ylalaşdylar.

Öň habar berşimiz ýaly, Moskwada Türkmenistanyň ilçihanasynyň binasynda Koreýa Respublikasynyň Russiýa Federasiýasyndaky ilçisi bilen duşuşyk boldy.